Die stem van ‘n Groot Gees rus

Die stem

Van ʼn groot Gees

Verewig still

Die vader van Philida

Histories korrek

Polities

Gesê

Met respek

Die stem

Van ʼn groot Gees

Verewig vasgevang

Die skepper van ʼn Droë Wit Seisoen

Voorloper van die Sestigers

Minnaar, Vader, Professor

Jou geskenke aan die wêreld

Leef in harte voort

Die stem

Van ʼn groot Gees

Leef verewig

Die gewer van Kennis van die aand

Maak sy laaste buiging

Leier, tolk, oorwinnaar

Jou plek staan voortaan leeg

Ons kan net hoop om te volg in daai noue steeg

Ter nagedagtenis aan Skrywer Prof. Andre P. Brink deur Simone Beatrice Naik Hagfeldt, 2015-02-07.

Kaalvoet Klimeid, So praat ekke

Kaalvoet Klimeid, So praat ekke is die eerste Afrikaanse digbundel geskryf deur Simone Beatrice Naik Hagfeldt. Reeds al in kindertuin uitgewys as ʼn “storie verteller” het sy haar droom om joernalis te word vroeg verwesenlik.

Hierdie boek gee haar die geleentheid om uiting te gee aan die staaltjies, gedagtes en ondervindinge opgetel in die stofstrate van Wellington, lewe op die Kaapse Vlakte en nou as wêreldreisiger.

Sy skryf graag in AfriKaaps en bring ʼn gemaklikheid te vore wat haar eie liefdesverhouding met die Bolandse infleksies reflekteer.